Générer un résumé audio
صباح اليوم الأربعاء 16 أفريل 2025، الدنيا هْدات في المزونة من ولاية سيدي بوزيد، بعد ليلة فيها احتجاجات وغضب كبير في المدينة. سكروا فيها المحتجين برشة شوارع وحرقوا العجالي.
الأمن تدخل وفرق المحتجين واستعملوا الغاز المسيل للدموع لتفريق المحتجين حسب الإذاعة الوطنية.
حسب نفس المصدر صارت مسيرة سلمية البارح في الليل في شوارع المدينة، والمحتجين كانوا يهتفوا ويطالبوا بحق التلاميذ اللي ماتوا قبل بنهار كيف طاح عليهم سور في ليسي المزونة.
وزادة طالبوا المحتجين اللي لازم يقووا المستشفى اللي عندهم بالتجهيزات ويزيدوا موظفين في البوسطة ويركزوا فرقة متاع الحماية المدنية في المزونة.
نتفكروا اللي طيحة السور في معهد المزونة خلات 3 تلامذة يتوفاو وزوز تجرحوا.
