المنظمة الدولية للهجرة في تونس قالت إنها ‘تخدم مع الحكومة التونسية باش تلقى حلول للمهاجرين اللي يحبوا يرجعوا لبلدانهم في إطار برنامج العودة الطوعية وإعادة الإدماج’.
المنظمة زادت قالت لبارح الأربعاء في بلاغ ليها ، إنها قاعدة تتبع الوضع الحالي للمهاجرين في تونس بالتنسيق مع السلطات المختصة، وقالت إنها زادت من قدرتها باش تقدم الدعم في مجال العودة الطوعية وإعادة الإدماج لكل المهاجرين اللي يحبوا يستفيدوا من الدعم هذا.
ودعات المنظمة اللي يحبوا يستفيدوا من برامجها باش يقدموا طلباتهم في مكاتبها في تونس وفي صفاقس عبر خدمة خط الهاتف المجاني (تونس: 8010156؛ صفاقس: 80105561). 
ونهار الخميس اللي فات، بدات عملية إخلاء للمخيمات متاع المهاجرين من دول جنوب الصحراء في العامرة وجبنيانة في ولاية صفاقس. حسام الدين الجبابلي، المتحدث باسم الإدارة العامة للحرس الوطني، قال في تصريح سابق لوكالة تونس إفريقيا للأنباء، إنو أغلبهم عبروا على رغبتهم في الرجوع الطوعي لبلدانهم الأصلية.
