باش تتلعب ليوم الثلاثاء بداية من الساعة 18:00 مواجهة الجولة الخامسة والاخيرة لنصف نهائي البطولة بين الإتحاد المنستيري والنجم الساحلي في مباراة فاصلة .
الإتحاد المنستيري ربح في قاعته في مقابلتين امام النجم الساحلي قبل ما يرجعوا ابناء المدرب ماهر خنفير في قاعة سوسة الأولمبية بتحقيق 2 إنتصارات متتالية.
والمباراة متاع اليوم في قاعة مزالي هي مباراة فاصلة في تحديد الفريق آلي باش يترشح للدور النهائي لمواجهة النادي الإفريقي.
المباراة هذي باش تتلعب كان بحضور أصحاب الإشتراكات بعد العقوبة إلي وقع تسليطها ضد الإتحاد المنستيري بمنعه من طرح التذاكر في 4 مقابلات .
