دعات الحكومة الصينية مواطنيها للتفكير بعناية قبل ما يسافروا للولايات المتحدة، في إطار توسيع نطاق رد بكين على الزيادات الكبيرة في الرسوم الجمركية التي فرضتها إدارة ترامب.
وقالت وزارة الثقافة والسياحة الصينية في إشعار تحذيري صدر ليلة لبارح انو تدهور العلاقات التجارية بين الصين والولايات المتحدة والمخاوف الأمنية في أميركاهي الي خلات الوزارة تنصح المواطنين الصينيين باش يقيموا بعناية مخاطر السفر إلى الولايات المتحدة ويردو بالهم.
وحسب وكالة بلومبرغ للأنباء، الخطوة جات بعد ما بكين عاودت جاوبت على الرسوم الجمركية الجديدة الي فرضها الرئيس دونالد ترامب، وين أعلنت إلي هي باش تفرض ضريبة بنسبة 84% على كل الواردات من الولايات المتحدة، وهذا إلي سبب اضطراب في الأسواق وعمق حرب تجارية بين أكبر اقتصادين في العالم. 
من جانبها ، طالبت وزارة التعليم الصينية زادة طلاب البلاد باش يقيموا المخاطر الأمنية المتعلقة بالدراسة في “بعض الولايات الأميركية”، مشيرة إلى مشروع قانون جديد تم إقراره في ولاية أوهايو.
