حسب المعلومات اللي نشرها الصحفي مارك جرمان واللي تم تداولها على الانترنات مؤخراً، يقال إنو آبل تحضّر في روحها باش تخرج الآيفون رقم 17 في 2026 واللي التصميم متاعو مختلف برشا على التصميم التقليدي للماركة. النموذج الجديد للتلفون هذا باش يكون الأول من نوعو من حيث التصميم فهو قابل للطي.
بعد نموذج Air المستوحى من Pixel 9 ولا الـ17 Pro، عام 2026 باش يكون عام التجديدات بالنسبة للسمارتفون هذا.
قال مارك جورمان نهار الأحد 23 فيفري 2025 في نشرة الإخبارية “Power On” إنو الآيفون الجديد، القابل للطي واللي يشبه ل Galaxy Z Fold، باش يكون عندو 2 شاشات وحدة رئيسية حجمها بين 7.6 و7.9 بوصة، ولخرة بين 5.3 و5.5 بوصة. وقال زادة إنو ثمة مودال ثاني، بتصميم مبتكر، ينجم يطلع في 2026. 
الصحفي هذا ما أعطاش برشا تفاصيل على المودال الثاني، وخلا الفضول يسيطر على عقول المستهلكين باش يتخيلو التصميم الجديد اللي قريب يهبط للسوق.
وأكدت التصريحات الأخيرة متاع المدير التنفيذي تيم كوك إنو “الأجيال القادمة من الآيفون باش تكون أكثر طموحاً من أي وقت فات.” ومانجموا كان نستناو باش نعرفو إذا هالتغيير في التصميم باش يلبي توقعات المستهلكين.
